काठमाडाैं,२६ असार

टेलिभिजन ‘ह्वाट द फ्लप’ शोमा आफ्नो जेल जीवनको अनुभव सुनाएको कारण अभिनेता पल शाह सामाजिक सञ्जालको तारो भइरहेका छन् । यो अन्तर्वार्ता विवादित भएको कारण युट्युबबाटै हटिसक्यो ।

पलको प्रतिक्रियालाई लिएर सामाजिक सञ्जालमा विभिन्न तर्फ–वितर्क चलिरहेका छन् । यस्तै अभिनेता दिपकराज गिरीले आफूलाई फेसबुकमा आउने गाली र प्रशंसामाथि विश्वास नभएको बताएका छन् ।

‘हिजो तिमीलाई भगवान् बनाएको पनि देखियो । आज हेर्दा हेर्दै राक्षस भयौ साथी । त्यसैले विश्वास छैन मलाई यो फेसबुके गाली र प्रशंसामाथि’ दीपकले फेसबुकमा लेखेका छन् ।