कांग्रेसकाे बैठकमा पुर्व गृहमन्त्री खाँणलाई निलम्बन गर्न शिवकाेटीकाे माग :

केन्द्रीय कार्यसमितिको बिहीबारको बैठकमा बोल्दै केन्द्रीय सदस्य अजयबाबु शिवाकोटीले पार्टीका वरिष्ठ केन्द्रीय सदस्य बालकृष्ण खाण प्रकरणमा पार्टीले द्विविधा राखेर सबैलाई भ्रममा पारेको बताए ।

‘बालकृष्ण खाँणलाई प्रहरीले मुद्दा चलाएर अदालतले पुर्पक्षका लागि कारागार पठाएको छ । सभापतिज्यू, तर यो प्रकरणमा हाम्रो द्विविधा अचम्मको छ, यदि उहाँलाई अन्याय भयो भन्ने हो भने कांग्रेस सरकारबाट बाहिरिनुपर्‍यो, होइन भने आफ्नै साथीहरू संलग्न भएको सरकारले थुनामा पुर्‍याउँदा पार्टीले कारबाही गर्नुपर्छ कि पर्दैन ? शिवाकाेटीले भने, ‘यसमा कि थुनामा पठाउने सरकार दोषी छ, कि थुनामा रहेका खाण दोषी छन्, यसबारे पार्टीले आफ्नो धारणा प्रस्ट पार्नुपर्छ।’