काठमाडाैँ,
अभिनेत्री श्रद्दा प्रसाईं र टिभी रियालिटी शो ‘कमेडी च्याम्पियन’ फेम्ड विक्की अग्रवाल बुधबार वैवाहिक जिवनमा बाँधिएका छन्। उनिहरूले परिवार, आफन्त र निकट सेलिब्रिटीको उपस्थितिमा विवाह गरेकाे हुन्।
आर्मी अफिसर्स क्लबमा उनीहरूको विवाह समारोह चलिरहेको छ। आज बेलुका रिसेप्सन पार्टी पनि राखिएको छ। विक्की र श्रद्धाले गतवर्ष मंसिरमा इन्गेजमेन्ट गरेका थिए।
विक्की कमेडी च्याम्पियनका फर्स्ट रनरअप हुन्। विक्की र श्रद्धाले कमेडी शो ‘मा कसम यहाँ दुख्छ’ मा सहकार्य गरेका थिए।
केही वर्षदेखि प्रेम सम्बन्धमा भएपनि सम्बन्धलाई लुकाउँदै आएका उनीहरुले इन्गेजमेन्ट अगाडिमात्र प्रेम सार्वजनिक गरेका थिए । ‘कमेडी च्याम्पियन’बाटै यी दुईको प्रेम अंकुराएको थियो ।
